Elkarbizitza Mintegiko Bloga

Urtarrilaren 17an, hurrengo saioa

Irene Gonzalez — Sun, 15 Jan 2012 20:13:19 +0000

URTE BERRI ON!!

Urte berri honetan bilduko gara berriro bitartekaritza teknikan aritzeko. Aurreko saioan erabili genuen materiala, Miguel siempre llega tarde, aztertzen jarraituko dugu eta ariketak egiten. Bitartekaritza praktikan jartzeko behar diren trebezietan arituko gara: entzute aktiboa, “ni” mezuak, eta abar.

Zuen ikastetxean bitartekaritza praktikan jartzen animatzeko hona hemen Zizur Institutuan egin duten Elkarbizitza tailerrari buruzko bideoa hau uzten dizuegu hemen, adibide moduan. Bideoan, iIkasleek beraiek kontatzen dute esperientzia.

Asteartera arte!

Abenduaren 20an, hurrengo saioa: bitartekaritza tailerra

Irene Gonzalez — Sun, 18 Dec 2011 22:27:23 +0000

Hurrengo asteartean Bitartekaritza gaia berreskuratuko dugu. Kasu honetan, praktikara pasatuko gara. Bitartekaritzan behar diren trebezietan arituko gara: entzute aktiboa, “ni” mezuak… Tailer baten moduan, alde batetik, gatazken aurrean hartzen ditugun jarrerak eta gatazka kasuak aztertuko ditugu, eta beste aldetik, komunikazio trebeziak praktikatuko ditugu jarduera batzuen bitartez. Horretarako Miguel siempre llega tarde materiala erabiliko dugu.

Beste aldetik, Gatazken tratamendua dela eta iaz Elkarbizitza Programak Paco Casconekin antolatu zuen prestakuntzari aurten jarraipena emango dute. Tailer bat antolatuko da otailati aurrera. Hemen ikus dezakezue informazio osoa (datak, egitaraua…). saioan ere komentatuko dugu.

Laster arte.

Azaroaren 15ean hurrengo saioa

b06aniztasuna — Mon, 14 Nov 2011 08:26:37 +0000

Aurreko saioan ikasturte honetan landu nahi dituzuen gaien artean Adimen Emozionala aipatu zen. Gai horri buruz Gipuzkoako Foru Aldundiak orain dela urte batzuk material bat atera zuen Haur, Lehen eta Bigarren Hezkuntzarako. Saio honetan materiala ezagutu eta aztertuko dugu.

Dena den, Gipuzkoako Foru Aldundiaren web orri honetan adimen emozinalarekin lotuta aurkitu ahal duzue material gehiago.

Prestakuntza saio bat: Bake Hezkuntza zinearen bitartez

Irene Gonzalez — Tue, 18 Oct 2011 07:36:01 +0000

Heldu zaigun prestakuntza ssaio baten berri eman nahi dizuegu.

“Gatazkak, oroimena eta bakearen kultura” izeneko prestakuntza 3 ordutako saio bat antolatu du ZINHEBA (Zinea, Hezkuntza eta Bakea) Elkarteak.

Helburua da dokumental baten bidez gatazka pertsonaleei buruzko hausnarketa sustatzea.

Hemen topa ahal duzue saioari buruz informazio osoa.

Urriaren 18an hurrengo saioa

Irene Gonzalez — Mon, 17 Oct 2011 09:23:39 +0000

Hezkuntza Sailak 2011-2012 Ikasturtearen Antolaketarako Ebazpenean eskatzen duen arabera (15. orrialdean) HH-LHko ikastetxeek jolastokia antolatzeko prokolo bat garatu behar dute:

“Ikastetxeko zuzendariak antolatuko du ikasleen zaintza jolas-orduetako aldi edo aldietan: zeregin horretarako, behar diren irakasleak arduratuko dira ikasleen zaintzaz eta begiratzeaz jolastokian eta ikastetxeko beste gela batzuetan daudenean. Ikaslearen adina zein den eta zaindu behar den lekua zelakoa den, irakasle/ikasle ratioa zehaztuko da.

Ikastetxeek protokolo bat egingo dute, eta bertan honakoak agertuko dira:

• Zeintzuk diren jolas-orduetako lekuak bereziki zaindu beharrekoak.

• Bereziki zaindu beharreko leku horietan eta gainerakoetan egongo diren irakasleak.

• Nola jokatu behar den izan daitezkeen gorabeherei aure egiteko.

• Nola planifika daitezkeen jokoak eta bestelako jarduerak.

Prestatzen den protokoloa sartu egingo da ikastetxeko urteko planeko irakasleen jarduera-programan.”

Biharko saioan horretan arituko gara Mintegi II-an daudenekin. Eredu moduan ZAMAKOLA LHIko esperiantzia berrikusiko dugu. Horrez gain gure wikian dauden erreferentzia batzuk ikusiko ditugu.

Beste aldetik, Mintegi I-eko kideekin Elkarbizitza Proiektuaren Diagnostiko fasearekin jarraituko dugu.

Urriaren 4ko saioaren ostekoa

Irene Gonzalez — Thu, 13 Oct 2011 12:45:16 +0000

Lehenengo bilerara 11 ikastetxe etorri ziren. Bi, iaz proiektuarekin hasi zirenak eta oraindik egiteko prozesuan daudenak, eta beste guztiak proeiktua martxan jarrita. Azkenengo hauen artean aurpegi berri batzuk izan genituen. Ongi etorri!

Hasieran, mintegikideen ikastetxeetan dagoen egoera errebisatu genuen: zer egin dugu, zeintzu hutsune dauzkagu, zer egin nahi dugu hemendik aurrera eta zein laguntza behar dugu hori aurrera eramateko.

Hori dena ikusita, aurtengo gaiak lantzea finkatu genuen:

Arautegia, eta horren barruan bereziki jolastokiaren erabilerarako protokoloa.
Gatazken tratamendua: bitartekaritza
Heziketa emozionala
Behatokiaren funtzionamendua
Hezkidetza Mintegiaren berri ematea
Ikasketa kooperatibo Mintegiaren berri ematea

Aurten, iaz bezala, bi talde mantenduko dugu: bata iaz hasi zirenekin eta bestea beste guztiekin. Hurrengo saioa 18an izango da bientzat:

MINTEGI I (berrientzat):

Diagnostiko Fasea aztertu (zer daukagu eginda, zer falta zaigu) eta
Behatokiaren eratzearen prozesua diseinatu

MINTEGI II (besteentzat)

Jolastokiaren protokola premiazkoa denez ahal dutenok, batzorde moduan, bilduko gara protokoloa lantzen hasteko.

18an izan ezik , taldeak data desberdinetan bilduko dira, horrela, proiektua egiten ari direnek ere aukera izango dute beste mintegian parte hartzeko, hor tratatuko ditugun gaiak guztion interesekoak dira eta.

Aurtengorako egutegia 18ko saioan finkatuko dugu.

Hau dena lortzeko, beti bezala, gure arteko esperientzien elkartrukaketa ezinbestekotzat jotzen dugu: egiteko erak, dokumentuak, baliabideak… Batera gehiago eta hobeto ikasten dugu.

Irudiaren kreditua

B06 JARDUNALDIAK 2011: Ikasten ikasiz…

Irene Gonzalez — Mon, 03 Oct 2011 20:24:39 +0000

Mintegia berriro martxan

Irene Gonzalez — Sun, 02 Oct 2011 09:58:32 +0000

Datorren asteartean, 4an, bilduko gara berriro Elkarbizitza Mintegian.

irudiaren kreditua

Lehenengo saian kide guztiak egongo gara: aurreko urteetan egondakoak, iazkoak eta, agian kide berriak ere agertuko dira. Saio honetan ikusiko dugu talde bat edo bitan banatuko garen, ikastetxeen egoeraren arabera. beste aldetik, egutegia eta lan-plana finkatuko dugu.

Ekarri zuen beharrak, interesak, iradokizunak…., horiek markatuko dute gure aurtengo ibilbidea.

Laster arte!

Maiatzaren 10ean, hurrengo saioa(Mintegi II): gatazkak

Irene Gonzalez — Mon, 09 May 2011 08:54:23 +0000

Bihar, geratu ginen moduan, aurreikusita ez zegoen saio bat egingo dugu gaztazken inguruko hausnarketarekin jarraitzeko. Kasu honetan, Paco Casconen hitzaldiak komentatuko ditugu.

Irudia Flickr CC-tik hartuta

Horretarako oinarritzat hartuko dugun dokumentua “Educar en y para el conflicto” izango da. Horrez gain, saioetan norberak hartutako apunteak eta abar erabiliko ditugu.

Aurreko post batean Paco Casconen lanari buruz beste hainbat erreferentzi topa ditzakezuela gogorarazi nahi dizuegu.

Martxoaren 29ko saioaren ostekoa

Irene Gonzalez — Mon, 04 Apr 2011 09:51:37 +0000

Aurreko saioan egin genuen tertulia, beti bezala, oso aberatsa izan zen. Joan Vaelloren “Cómo dar clase a los que no quieren” liburuaren “La gestión de la clase” atala komentatu genuen. Aipatutako esaldien artean hauexek azpimarratuko ditugu:

“Cualquier profesor quiere dar clase en condiciones, pero estas no se crean solas”

“Los problemas pueden aparecer en cualquier momento, pero suelen aparecer cuando las oportunidades son favorables. No dejes que se instalen condiciones favorables a los conflictos: crea condiciones favorables al trabajo y a la convivencia”

“Casi todos los conflictos presentes en las aulas son un reflejo de la ausencia de competencias socioemocionales”

“El profesor debe planificar mucho más que los contenidos de su materia: debe saber cómo controlar, motivar, conectar, escuchar, entusiasmar, corregir, decir no, respetar, negociar, advertir, comprometer, sancionar, exigir…”

“Conseguir que quieran, que puedan, que aprendan, que convivan”

“El profesor ha de ser un entrenador de competencias que el alumno no posee y debería poseer, pero antes ha de dominar él dichas competencias. No se puede exigir lo que no se tiene”

“Usar sólo estrategias que eviten y/o resuelvan problemas. Desechar rituales inservibles”

“Resolver el futuro, mejor que zanjar el pasado. ¿Qué debo hacer para que no vuelva a ocurrir?”

“La actuación improvisada y es solitario es la vía más directa para tener problemas”

“No sé qué haré, pero lo haré tranquilo”

“Remar todos a una y en la misma dirección. Anular a los remeros en contra”

Bileraren bigarren zatian “bitartekaritza” gaia tratatu genuen. Hasteko, wikian eskegi ditugun 3 bideo ikusi genituen. Hona hemen lehenengoa:

Wikian ikus ditzakezue beste biak eta eskegitzen ari garen beste baliabide batzuk. Egon adi!

Gogoratu nahi dizuegu datorren bilera (apirilaren 12koa) bertan behera geratzen dela, egun berean eta hurrengoan Elkarbizitza Jardunaldiak direla eta. Ez bazarete apuntatu gure blogeko aurreko post honetan topatuko duzue Jardunaldiei buruzko informazioa eta apuntatzeko helbidea.

Anima zaitezte, mereziko du eta!