Babestuta: Apirilaren 9ko saioaren ostekoa: materiala

apirila 19, 2013

Edukia pasahitzarekin babestuta dago. Ikusteko, idatzi ezazu zure pasahitza:


Apirilaren 9ko saioaren ostekoa

apirila 19, 2013

Saio honetan, informazio desberdinak luzatzeaz gain, gure lan proposamenean aritu ginen,  hau da, Paco Casconek ikasturteko lehenengo egunetarako proposatzen duen Harrera Plana lantzen.

Harrera Plana ikastetxe bakoitzean egin eta praktikan jarri behar den plan bat izan arren, mintegian, denon artean, Harrera Plan eredu bat egitea oso lagungarria izan ahal dela uste izan dugu. Beraz, etapetako taldeka banatuta, Casconen Jolasaren alternatiba 1 eta 2 liburuak erabiliz hasi ginen eremu desberdinetako dinamikak ezagutzen, aukeratzen eta sekuentzitzen.  Aktan ikus dezakezue saioaren laburpena eta hurrengo post batean (pasahitzarekin babestuta) eskegiko dugu materiala bera.

Gustora ibili ginen lanean baina  hasi baino ez dugu egin. Beraz, hurrengo saioan bide horretatik jarraituko dugu. Lana amaituta dagoenean, aholkulariok forma emango diogu dokumentuari. Hurrengo pausua ikastetxeetan eman beharko duzue: zuen errealitatera egokitzea. Horrela, holako plan bat aurrera eramateko interesatuta egonez gero ez duzue zerotik hasi behar. Eta edozien kasutan, ez baduzue asmorik Casconek ulertzen duen moduan Harrera Planik egiteko, baduzue, beste planteamendu baten barruan (ikasturtean zehar tutoretzetan, adibidez), talde kohesioa lantzeko hainbat baliabide antolatuta.

irudiaren kreditua

GOLDEN 5 Proiektuaren aurkezpena Maria José Leraren eskutik

martxoa 12, 2013

Pasa den ostegunean, hilak 7, “Golden 5” proiektuaren  aurkezpena izan genuen Berritzegunean, sortzailetariko baten eskutik, Mª Jose Lera.

30 lagun inguru elkartu ginen, eta entzundakoaren arabera oso positibotzat jo zenuten hitzaldia. Ebaluazioa oso ona izan zen, eskerrik asko etorritako guztioi.

Bertan entzundako informazioa blogean bertan, beste post batean, berriro ere entzuteko aukera izango duzue egindako audio grabaketaren bitartez. 

 Aktan saioaren garapenari buruzko informazioa eskura dezakezue.

Bestalde, berak aipatutako bideo batzuk ere jartzen dizkizuegu. Alde batetik,“Una clase dividida”, lehenengo eta bigarren zatiak  esanguratsuenak baitira, baina gehiago ikusteko aukera izango duzue bilatuz gero. Eta bestetik, “La Ola” filmea, taldearen garrantzia ikusteko.


Otsailaren 19ko saioaren ostekoa

otsaila 26, 2013

Aurreko saioan, Paco Casconen ikastarotik jasotako informazioarekin beheko postean argitarautako “Gatazkan eta gatazkarako hezi” aurkezpena osatu dugu. Saioan bertako edukia helarazi eta komentatu genuen, besteak beste hurrengo puntuak jorratuz:

  • Oinarrizko ideia batzuk
    • Gatazkari buruzko sinesmenak
    • Gatazkaren prozesua
    • Gatazkaren aurrean jarrera desberdinak
    • Biolentzia motak
  • Gaztakak kudeatzeko tresnak: piramidea
    • Probentzio kontzeptua eta garapena: dinamikak

Saioa girotzeko, hasieran, ikastaroan egindako “ezagutza dinamika” bat praktikan jarri genuen, hain zuzen ere, “Animalien masajea”.

Goiko edukina azaldu eta gero, Probentzio kontzeptua aztertzera jo genuen, konkretuki horren barruan dagoen lehenengo urratsa: Talde kohesioa (aurkezpena, , ezagutza, atxikimendua eta konfidantza). Honetarako Paco Casconek proposatzen duen Harrera Plana aztertzen hasi ginen.

provencion

Aktan saioaren garapen zehatzagoa ikusteko aukera izango duzue.


Urtarrilaren 8ko saioaren ostekoa

urtarrila 18, 2013

Aurreko saioan egindakoaren laburpenean tratatu genituen gaiak eta erabili genituen materialak ikus ditzakezue.

Dakizuenez, Hezkidetza Mintegian landutako material batzuk aurkeztu genituen. Aktan dokumentuetara estekak ere dauzkazue. Lagin moduan hona hemen ipuintxo bat:

View this document on Scribd

Otsailaren lehenengo astean, Paco Casconekin “Educar en y para el conflicto” Ikastaroan parte hartzeko batzuek aukera izan dugu (Irenek eta Arizko Ikastolako Maitek), beraz, hurrengo saioaren data aldatu dugu. Gure egutegian otsailaren 5eko saioa 19ra pasatu dugu. Horrela, 19saioan kontatuko dizuegu zer landu dugun eta ikastaroan landutako materailak konpartituko ditugu. Bitartean, nahi baduzue Casconen zerbatit irakurtzeko, hona hemen artikulu pare bat:


Urtarrilaren 8an, hurrengo saioa

urtarrila 8, 2013

Oporretatik bueltatu eta bigarren egunean bagaude berriro mintegian.

 

Dakizuenez, aurreko saioan pendiente geratu ziren lan batzuetan arituko gara:


Abenduaren 4ko saioaren ostekoa

abendua 20, 2012

Aurreko saioan jolastokien erabilera, antolaketa eta arautegiari buruz ikastetxeen arteko elkartrukaketa egin genuen. Hemen uzten dizuegu bileran tratatutakoaren laburpena (elkarbizitza mintegia abenduak 4 4.AKTA)

Pendiente geratu zen hurrengo saiorako patioaren erabilera hezitzailearen bi adibide  aztertzea. AULA aldizkariaren artikuluetan azalduta daude. Artikuluak banatu izan arren, blogena ere eskegitzen ditugu: bi ikastetxeetako esperientzia berriztatzaileak .

Material osagarri bezala Zamakola Eskolak patioaren antolaketaren adibidea  ere ikus dezakezu.

Hurrengo saioan, urtarrilaren 8an, horrez gain, jantokiaren antolaketan eta arautegian arituko gara.

Besterik gabe…

…Gabon Zoriontsuak izan!!


Abenduaren 4an, hurrengo saioa: jolastoki eta jantokiko arautegia

azaroa 30, 2012

Aurreko saioan gatazken aurrean jokaera desberdinak aztertu genituen: ea protokoloak ezarrita ditugun, zelan eratu ditugun, zelan aplikatzen ditugun…

Ikusi dugunez, gatazkak bereziki jolastokian eta jantokian sortu omen dira, beraz, egoera eta espazio hauetan daukagun arautegiaz kezkatuta gaude. Hau dela eta, hurrengo saioan eremu hauetan zentratuko gara.

https://i0.wp.com/www.hoyjerezdeloscaballeros.es/archivos/201205/escolares-de-educacion-infantil-jugando-en-el-patio-del-centro-300xXx80.jpghttps://i2.wp.com/www.salesianosaranjuez.es/misgalerias/Infantil-Primaria/pa040010.jpg

Jolastokiko arautegiari buruz hausnarketa eta gure arteko elkartrukaketarako JOLASTOKIEN ERABILERARAKOPROTOKOLOA DOKUMENTUA erabiliko dugu.

Material osagarri bezala Zamakola Eskolak patioaren antolaketaren adibidea  eta beste bi ikastetxeetako esperientzia berriztatzaileak ikusiko ditugu

Horrez gain, patioan jolasteko joku egokiak orrialde honetan aurkitu dituzue: juegos al aire libre (GandasegiLHI)

Jantokiari dagokionez, Gandasegin egindako lana luzatu dizuegu


Azaroaren 6an, hurrengo saioa: Gatazkeen aurrean zer egiten dugu?

urria 31, 2012

Elkarbizitza Planaren barruan gatazkeen tratamendua ere sartu behar dugu. Zuetariko batzuk  Elkarbizitza Urteko Planean finkatu duzuen helburu bat zera izan da: gatazkak konpontzeko protokoloak edota prozedurak lantzea.

Hona hemen, adibide moduan, Kurtzeberri Ikastetxean bere Elkarbizitza Planean finkatutako Gatazkeen inguruko atala: oso zehaztuta eta osatuta dago.

Igorreko Eskolak ere gurekin konpartitu zuen ikasleekin arauak eta neurri zuzentaileak finkatzeko landutako dokumentua.

Mintegiko saioan hauxe egingo dugu:

  • ikastetxe bakoitzean adostatutako arauak eta neurri zuzentzaileak edota jarraitzen dire prozedurak elkartrukatu eta aztertuko.
  • Horren arabera hutsuneak eta beharrak detektatu eta helburuak finkatu
  • Mintegian, denon artean, tratatzeko edukiak zehaztu

Baina hau guztia marko batean kokatu behar dugu. Gatazkak kudeatzeko dauden estrategia desberdinak ezagutu. Beheko piramiden ikusten denez, aukera desberdinak daude. Non kokatzen dugu gure ikastetxea?


Urriaren 23ko saioaren ostekoa: Elkarbizitza Plana eta behatokiaren inguruan

urria 28, 2012

Atzo 11 lagun bildu ginen Elkarbizitza Plana eta Behatokiari buruzko aurkezpen orokorra egiteko. Batzuentzat errepasoa izan zen, beste batzuetan, aldiz, berria. Markoa azaldu zen, ibilbidea markatu eta hainbat baliabide eskeini (Gida ofizialenak eta beste asko) . Bide batez, gure arteko elkartrukaketak eman ziren gaiaren inguruan:  zein egoeretan zegoen ikastetxe bakoitza, zeintuzk ziren oztopo handienak…, bereziki behatokia osatzeko edota martxan jartzeko.

Hemen uzten dizuegu erabili genuen aurkezpena eta karpetan emandako gidoia beteta informazio osoa eskura izateko.