HEZKIDETZARENTZAKO BIDAIA: LORPENAK ETA HUTSUNEAK

apirila 8, 2013

eduigualdad_eu 2

Apirilaren 17an, asteazkenean, Berritzegunean hezkidetzari buruzko prestakuntza saio bat izango dugu.

Emaileak Amparo Tomé eta Carlos Lomas izango dira.

Hemen  saioari buruzko informazio osoa ikus dezakezue eta izena eman.


GOLDEN 5 Proiektuaren aurkezpena Maria José Leraren eskutik

martxoa 12, 2013

Pasa den ostegunean, hilak 7, “Golden 5” proiektuaren  aurkezpena izan genuen Berritzegunean, sortzailetariko baten eskutik, Mª Jose Lera.

30 lagun inguru elkartu ginen, eta entzundakoaren arabera oso positibotzat jo zenuten hitzaldia. Ebaluazioa oso ona izan zen, eskerrik asko etorritako guztioi.

Bertan entzundako informazioa blogean bertan, beste post batean, berriro ere entzuteko aukera izango duzue egindako audio grabaketaren bitartez. 

 Aktan saioaren garapenari buruzko informazioa eskura dezakezue.

Bestalde, berak aipatutako bideo batzuk ere jartzen dizkizuegu. Alde batetik,“Una clase dividida”, lehenengo eta bigarren zatiak  esanguratsuenak baitira, baina gehiago ikusteko aukera izango duzue bilatuz gero. Eta bestetik, “La Ola” filmea, taldearen garrantzia ikusteko.


Martxoaren 8a ospatzen

martxoa 8, 2013

Urtero, Martxoaren 8a ospatzeko beharra azpimarratu behar dugu. Orain arte, ibilbide luzea egin dugu  emakume eta gizonen arteko berdintasunaren alde, baina oraindik bide luzea ere geratzen zaigu.

Ikastetxe batzuetan elkarbizitza hezkidetza ikuspuntutik aztertzen ari zarete; gure mintegian, aurten, gaia tratatzen ari gara; Elkarbizitza Jardunaldiak gai honetan ere zentratuko dira;  gure Berritzegunean, apirilean, prestakuntza saioa bat honetaz antolatuko dugu… Mugitzen ari gara berdintasunaren alde.

Gaia ikastetxeetan landu nahi baduzue hemen uzten dizuegu Eskola Bakegunean bilduta dauden baliabide batzuk.


ELKARBIZITZA VI JARDUNALDIAK: Elkarbizitza eta sexu eta genero aniztasuna

otsaila 27, 2013

Datorren apirilaren 10 eta 11an, Bilbako San Crisostomo de Arriaga Musika Kontserbatorioan,  Elkarbizitza VI. Jardunaldiak izango ditugu.

elkarbizitza jardunaldiak 2013

Ikusten duzuen bezala, aurtengo gaia hezkidetzarekin lotuta egongo da: Elkarbizitza eta sexu eta genero aniztasuna.

Aurtengo orientbideetan agertzen den moduan, ikastetxe guztietan hezkidetza arduradun bat egon beharko da, eta Elkarbizitza Planean ere genero berdintasuna isladatuta egon behar da. Hau dela eta, gure mintegian gaia tratatzen ari gara, eta zuetariko batzuk ere Bilbon dagoen Mintegian parte hartzen duzue. Oso gaurkotasuneko gaia da, beraz.

Hemen topatuko duzue Egitaraua. Interesatuta egonez gero, sartu esteka honetan izena emateko. Epea martxoaren 22ra arte luzatuko da.

Oharra:  izena ematerakoan ezinbestekoao da ohar atalean zein lan taldetan parte hartu nahi duzuen esatea.


Azaroak, 25: Emakumeenganako Indarkeriaren aurkako Eguna

azaroa 26, 2012

Gai hau edozein momentutan landu behar izan arren, data aprobetxatzen dugu emakumeenganako indarkeriaren aurkako lanaren beharra gogoarazteko. Irakaskuntzan daukagun bidea hezkidetza da.

Hainbat baliabide daude gai hau gelan tratatzeko. Gaur, hemen  errefrentzia batzuk uzten dizkizuegu eta esperientzia baten berria:

Eta bideo bat. Agian ezagutuko duzue Ibai Pujanak Igorreko Institutuko ikasleen kolaborazioarekin egindakoa bideo hau. Oso adierazgarria da eta ikasleekin lan egiteko oso baliabide emankorra. Egileek esaten duten bezala: “Laburmetrai honek, gazteen artean, emakumeen aurkako indarkeriaren prebentziorako tresna izan nahi du, betiere, haien ikuspuntutik abiatuta. Neska gazte batek, bere egunerokotasunean eta eszena desberdinetan, bikotearengandik pairatzen dituen kontrol egoerak isladatzen dira”.


Urriaren 23ko saioaren ostekoa: Elkarbizitza Plana eta behatokiaren inguruan

urria 28, 2012

Atzo 11 lagun bildu ginen Elkarbizitza Plana eta Behatokiari buruzko aurkezpen orokorra egiteko. Batzuentzat errepasoa izan zen, beste batzuetan, aldiz, berria. Markoa azaldu zen, ibilbidea markatu eta hainbat baliabide eskeini (Gida ofizialenak eta beste asko) . Bide batez, gure arteko elkartrukaketak eman ziren gaiaren inguruan:  zein egoeretan zegoen ikastetxe bakoitza, zeintuzk ziren oztopo handienak…, bereziki behatokia osatzeko edota martxan jartzeko.

Hemen uzten dizuegu erabili genuen aurkezpena eta karpetan emandako gidoia beteta informazio osoa eskura izateko.


Urriaren 2ko saioaren ostekoa

urria 10, 2012

Urriaren 2an bildu ginen Berritzegunean Elkarbizitza Mintegia berriro martxan jartzeko. Ikastetxe batzuk jarraitzen dute beste batzuk bueltatu dira -urte batzuetan etorri barik- eta beste batzuk berriak dira taldean.

Ikastetxe bakoitzak bere prozesua jarraitu du Elkarbizitza Plana egiteko eta ibilbide desberdinak ere planteatu dituzte elkarbizitza hobetzeko. Laguntza puntualak ikastetxean bertan eskeini arren, mintegian komunak diren gaiak tratatzea da gure asmoa.
Hauexek dira zuek proposatu dituzuenak:

  • Gatazken tratamendua, arauak (AJA), protokoloa
  • Familien inplikazioa
  • Irakasleak nola inplikatu

Beste aldetik, kontuan izanda aurtengo kurtso hasierako LHko ebazpenean jada kontenplatzen dela OMRko kide batek Hezkidetzaren ardura hartu behar duela komenigarria ikusten da gai honi saioren bat eskeintzea.

Dakizuenez, iaz Bilboko Berritzegune Nagusian MIntegia bat eskeini zen Garatu programaren barruan gai hau lantzeko. Ideia da  berdintasunaren alde eta genero-indarkeriaren prebentziorako helbururen bat ere zehaztu behar dela Elkarbizitza Planean. Hau dela eta, iaz eskeini zen hezkidetza MIntegi bat, eta aurten bi egongo dira: iazkoaren jarraipena eta beste bat hasierakoa.  Gure eskualdeko ikastetxe batzuk parte hartu zuten iazko mintegian, beraz interesgarria iruditzen zaigu gai hau lantzea eta gure inguruko esperientziak ezagutzea. Honetarako, beraz, saioren bat erabiliko dugu.

Horrez gain, jende berriei begira bereziki urriaren 23an saio bat egingo dugu Elkarbizitza Plana eta Behatokiari buruz: markoa azaldu, faseak aztertu eta Behatokiaren funtzioak eta partaideak zeintzuk diren argituko dugu.

Dena den, aktan saioari buruzko informazio osoa topatuko duzue. Egutegia ere hemen uzten dizuegu.

Laster arte


Elkarbizitza autodiagnostikoa egiteko tresna berri bat

apirila 23, 2012

Azken urte hauetan, Elkarbizitza proeiktuaren barruan, elkarbizitza diagnostikoa ikastetxeetan egin duzue. Horretarako Elkarbizitza Programatik eskeinitako tresnak erabili dituzue gehien bat.

Baina Elkarbizitza proiektua bizirik egoteko noizbehinka ikastetxearen egoera berrikuspenera zabalik egon behar da. Hau errazteko tresna berri bati buruz jasotako informazioa konpartitu nahi dugu zuekin.

Eskola Bakeguneren eskuz Heziketa-Ministerioko Eskola-Elkarbizitzarako Estatuko Behatokiak,  Autonomia-Erkidegoen laguntzaz,  eskola-elkarbizitzako autodiagnostikoa egiteko tresna berri bat eskeintzen duela jakin dugu.

Tresna hau Bigarren Hezkuntzarako zuzenduta dago eta euskeraz eta erderaz erabil daiteke.

Teknikoki lana koordinatzen ari da Complutense Unibertsitatearen Prebentzio-Psikologia Unitatearen María José Díaz-Aguado. Web orri honetan topa dezakezue tresna honen informazio osoa:  helburuak,    galdetegiak, erabiltzeko jarraibideak, adibideak, eta abar.

Begirada bat ematera gonbidatzen zaituztegu zuen ikastetxeetan erabilgarri izan daitekeelakoan.

irudiaren jatorria

ELKARBIZITZA IV JARDUNALDIAK: ELKARBIZITZA SAREAN

martxoa 19, 2012

Pasa den astean, martxoaren 5 eta 6an, Elkarbizitza sarean Jardunaldietan egon ginen.

Gaia oso interesgarria izan zen, pil-pilean dagoen egoera baten azterketa: zelan elkar bizi sarean.

Gaur egun, sarea da gure ikasleentzat testuinguru erreala eta egunerokoa, gure ikasleen 14 urteko %90a  eta 17 urteko %95a giza sareetan daude (Tuenti eta Facebooken) eta   gazte hauen %70a interneten ibiltzen bakarrik ikasten dute, inolako laguntza ezta orientazio barik. Zein da egoera honetan gure ardura?

Hau dela eta, Rosario del Reyk  eta José Antonio Casasek  ConRed proiektua aurkeztu zuten. Proiektua hau Rosario Ortegarekin batera egin dute Daphne Programa baten barruan lehen hezkuntza eta bigarren hezkuntzako ikasleriarekin internet eta giza sareen erabilera segurua lortzeko.

Hemen uzten dizkizuegu jardunaldietan, tailerretan landutako bi dokumentu eta haiek gomendatu zuten liburu bat:

Dena den, azken bolada honetan, gai honekin lotuta hainbat dokumentu edota baliabide sortu dira. Dossier honetan ikus ditzakezue batzuk.


Martxoaren 5ean eta 6an, Elkarbizitza V Jardunaldiak: Elkarbzizitza sarean

martxoa 2, 2012

Dakizuenez, Hezkuntza, Unibertsitate eta Ikerketa Sailak, aurreko urteetan bezala, Elkarbizitzari buruzko V. Jardunaldiak antolatu ditu. Jardunaldi hauek, gure ikastetxeetan, esperientzia desberdinak garatzeko abiapuntua direlarik.

Edizio honetan, Jardunaldiek “ELKARBIZITZA SAREAN”dute izenburu.

Gaur egun, Sare Sozialek eragina handia daukate gure bizitzan eta gure arteko harremanetan . Ikasgela ez da salbuespen bat. Ezinbestekoa da, beraz,  eskolak gaur egun eta eremu honetan dituen erronken egoera aztertzea.

Horretarako bi egun egongo gara lanean Juan Crisostomo Arriaga Kontserbatorioan, emaileak Rosario del Rey eta José Antonio Casas izanik.

Oso interesgarria izan ahal direla uste dugu eta espero dugu zuek hortik ikustea.

Informazioa eta Izen-ematea