Urriaren 4ko saioaren ostekoa

urria 13, 2011

Lehenengo bilerara 11 ikastetxe etorri ziren. Bi, iaz proiektuarekin hasi zirenak eta oraindik egiteko prozesuan daudenak, eta beste guztiak proeiktua martxan jarrita. Azkenengo hauen artean aurpegi berri batzuk izan genituen. Ongi etorri!

Hasieran, mintegikideen ikastetxeetan dagoen egoera errebisatu genuen: zer egin dugu, zeintzu hutsune dauzkagu, zer egin nahi dugu hemendik aurrera eta zein laguntza behar dugu hori aurrera eramateko.

Hori dena ikusita, aurtengo gaiak lantzea finkatu genuen:

  • Arautegia, eta horren barruan bereziki jolastokiaren erabilerarako protokoloa.
  • Gatazken tratamendua: bitartekaritza
  • Heziketa emozionala
  • Behatokiaren funtzionamendua
  • Hezkidetza Mintegiaren berri ematea
  • Ikasketa kooperatibo Mintegiaren berri ematea
Aurten, iaz bezala, bi talde mantenduko dugu: bata iaz hasi zirenekin eta bestea beste guztiekin. Hurrengo saioa 18an izango da bientzat:
  • MINTEGI I (berrientzat):
    • Diagnostiko Fasea aztertu (zer daukagu eginda, zer falta zaigu) eta
    • Behatokiaren eratzearen prozesua diseinatu
  • MINTEGI II (besteentzat)
    • Jolastokiaren protokola premiazkoa denez  ahal dutenok, batzorde moduan, bilduko gara protokoloa lantzen hasteko.
18an  izan ezik , taldeak data desberdinetan bilduko dira, horrela, proiektua egiten ari direnek ere aukera izango dute beste mintegian parte hartzeko, hor tratatuko ditugun gaiak guztion interesekoak dira eta.
Aurtengorako egutegia 18ko saioan finkatuko dugu.
Hau dena lortzeko, beti bezala, gure arteko esperientzien elkartrukaketa ezinbestekotzat jotzen dugu: egiteko erak, dokumentuak, baliabideak… Batera gehiago eta hobeto ikasten dugu.
Irudiaren kreditua
Advertisements

Abenduaren 21ean, hurrengo saioa: Santo Tomas Eguna

abendua 20, 2010

Bihar, 2010eko azkenengo bilera izango dugu.

Bileraren lehenengo partean, Dimako koordinatzaileak, Ainhoak, bere ikastetxean tutoretza Plana eta gaitasunen garapena arloetako lanean zelan txertatu duten azalduko digu. Oso esperientzia interesgarria da.

Gero, Santo Tomas Eguna denez, lan egitetik aparte hamarretakoa egitea pentsatu dugu. Zer deritzozue?

irudiaren kreditua

Etor zaitezte guztiok! 


Abenduaren 14an, hurrengo saioa (Mintegi I)

abendua 13, 2010

Bihar, Elkarbizitza Proiektuan lehenengo pausuak ematen ari diren ikastetxeetako kordinatzaileekin bilduko gara berriro.

Aurreko saio batean Sentsibilizazio Faserako wikian bilduta dauzkagun hainbat baliabide aztertu genuen. Hortik inkesta batzuk aukeratu zenituzten eta hurrengo saio batean inkestak Google Docsen aplikazioarekin sortzen aritu ginen. Aplikazio hau, inkestak sortu eta pasatzeko zein emaitzak kudeatzeko oso erabilgarria da.

Bihar, hurrengo fasera pasatu baino lehen, ikastetxe bakoitzean zer egin duzuen eta zein momentutan zaudeten konpartituko dugu: zalantzak argitu, oztopoak gainditzeko estrategiak eman, esperientziak elkartrukatu…

Bihar arte!


Azaroaren 9an, hurrengo saioa (Berrientzat)

azaroa 8, 2010

Bihar, Proiektu honetan berriak direnekin bilduko gara. Plana egiteko ibilbidea aztertuko dugu.

Bilera honetan, alde batetik, lehenego urratsak (proeiktuaren aurkezpena, antolaketa…)  emateko baliabideak eta aukerak  ikusiko ditugu. Agian jadanik egin duzue lan hau; kasu honetan zelan joan den komentatuko dugu.

Beste aldetik, 1. Fasea (Sentsibilizazioa)  burutzeko tresnak eta jarduerak ezagutuko ditugu. Bakoitzak erabaki beharko da zein izan ahal den egokiena bere ikastetxean erabiltzeko.

Baliabide eta tresna guztiak gure Wikian daude bi atal hauetan:

Nahi izanez gero begirada bat bota ahal diezue bileraren aurretik.

Bihar arte


Urriaren 26ko bileraren ostekoa

azaroa 8, 2010

Gaur mintegikide guztiok bildu gara Behatokiaren prozesua aztertzeko.

Iaz edo aurreko urteetan proiektuan egondako koordinatzaileek kontatu digute beraien ikastetxeko esperientzia. Batzuek eratu dute eta lanean dabiltza, beste batzuek eratu baina ez dute egin eta azkenengoek oriandik ez dute eratu.

Elkartrukaketarako galdetegi bat erabili dugu. Ez ditugu galdera guztiak erantzun, eta batzutan beste galdera batzuk sortu dira, baina orokorrean, denon artean irizpide eta estrategia batzuk argitu ditugula uste dugu. Ideia nagusien laburpena hemen uzten dizuegu.

View this document on Scribd

Dokumentu hau Wikiaren Elkarbizitza Behatokiaren atalean eskegiko dugu. Zerbait faltan botatzen baduzue adiera ezazue komentarioetan.


Urriaren 26an, hurrengo saioa

urria 25, 2010

Bihar, mintegiko 2. saioa izango dugu. Geratu ginen moduan, Elkarbizitza Behatokia aztertuko dugu.

Batzuk iaz eratu zenuten eta martxan jarri, beste baztuk eratu zenuten baina aurten jarri behar duzue martxan. Behatokia antolatzeko prozesua zaila egiten zaigu. Egitura eratzeko estamentu guztiak inplikatu behar dugu, eta horrez gain,  sortutako egitura berri horri edukia eman behar diogu jarraipena emateko. Hau dela eta, hainbat zalantza, beldur, zailtasua sortzen dira bidean. Biharko saioan horretan sakonduko dugu.  Berriek, oraindik dana daukatenez egin barik, “zaharren” esperientziari  etenkin handia aterako diotela espero dugu.

Bitartean, gure wikian tresnak, esperientziak eta ereduak topa ditzakezue.


Urriaren 5eko bileraren ostekoa

urria 13, 2010

 

Aurreko asteartean mintegiko lehenengo bilera izan genuen. Pasa den ikasturtean elkarbizitza proiektua landu zuten ikastetxeetako koordinatzaileak eta aurten hasi nahi dutenak bildu ginen.

Bakoitzaren egoera aurkeztu zen eta espektatibak eta interesak batu, komunak izan hal diren edukiak  ezagutzeko asmoz. Oso argi ikusi zen Behatokia guztion beharra zela: batzuentzat osatzen hasteko eta besteentzat martxan jartzeko. Hau ikusita, hurrengo saioan, urriaren 26an,  gai hau denok batera aztertzea erabaki genuen.

Beste aldetik, ikasturte osorako egutegia finkatu genuen. Horretaz gain, dokumentu honetan mintegirako helburuak, edukiak eta abar ikus ditzakezue. Hurrengo saioan, kurtso osorako lan-plana zehaztuko dugu.

Bitartean, berriek beraien ikastetxean proiektua egiteko plana aurkeztu behar dute eta aurrera eramateko egitura bat antolatu. Gogoratu ezazue gure wikian hainbat baliabide topatu ahal duzue lan hau bideratzeko.

 Crédito de la imagen