Abenduaren 20an, hurrengo saioa: bitartekaritza tailerra

abendua 18, 2011

Hurrengo asteartean Bitartekaritza gaia berreskuratuko dugu. Kasu honetan, praktikara pasatuko gara. Bitartekaritzan behar diren trebezietan arituko gara: entzute aktiboa, “ni” mezuak… Tailer baten moduan, alde batetik, gatazken aurrean hartzen ditugun jarrerak  eta gatazka kasuak aztertuko ditugu, eta beste aldetik, komunikazio trebeziak praktikatuko ditugu jarduera batzuen bitartez. Horretarako Miguel siempre llega tarde materiala erabiliko dugu.

Beste aldetik, Gatazken tratamendua dela eta iaz Elkarbizitza Programak Paco Casconekin antolatu zuen prestakuntzari aurten jarraipena emango dute.  Tailer bat antolatuko da otailati aurrera. Hemen ikus dezakezue informazio osoa (datak, egitaraua…). saioan ere komentatuko dugu.

Laster arte.

Advertisements

Urriaren 18an hurrengo saioa

urria 17, 2011
Hezkuntza Sailak 2011-2012 Ikasturtearen Antolaketarako Ebazpenean eskatzen duen arabera (15. orrialdean) HH-LHko ikastetxeek jolastokia antolatzeko prokolo bat garatu behar dute:
“Ikastetxeko zuzendariak antolatuko du ikasleen zaintza jolas-orduetako aldi edo aldietan: zeregin horretarako, behar diren irakasleak arduratuko dira ikasleen zaintzaz eta begiratzeaz jolastokian eta ikastetxeko beste gela batzuetan daudenean. Ikaslearen adina zein den eta zaindu behar den lekua zelakoa den, irakasle/ikasle ratioa zehaztuko da. 
Ikastetxeek protokolo bat egingo dute, eta bertan honakoak agertuko dira: 
• Zeintzuk diren jolas-orduetako lekuak bereziki zaindu beharrekoak. 
• Bereziki zaindu beharreko leku horietan eta gainerakoetan egongo diren irakasleak. 
• Nola jokatu behar den izan daitezkeen gorabeherei aure egiteko. 
• Nola planifika daitezkeen jokoak eta bestelako jarduerak. 
Prestatzen den protokoloa sartu egingo da ikastetxeko urteko planeko irakasleen jarduera-programan.”
Biharko saioan horretan arituko gara Mintegi II-an daudenekin. Eredu moduan ZAMAKOLA LHIko esperiantzia berrikusiko dugu.  Horrez gain gure wikian dauden erreferentzia batzuk ikusiko ditugu.
Beste aldetik, Mintegi I-eko kideekin Elkarbizitza Proiektuaren Diagnostiko fasearekin jarraituko dugu.

Urriaren 4ko saioaren ostekoa

urria 13, 2011

Lehenengo bilerara 11 ikastetxe etorri ziren. Bi, iaz proiektuarekin hasi zirenak eta oraindik egiteko prozesuan daudenak, eta beste guztiak proeiktua martxan jarrita. Azkenengo hauen artean aurpegi berri batzuk izan genituen. Ongi etorri!

Hasieran, mintegikideen ikastetxeetan dagoen egoera errebisatu genuen: zer egin dugu, zeintzu hutsune dauzkagu, zer egin nahi dugu hemendik aurrera eta zein laguntza behar dugu hori aurrera eramateko.

Hori dena ikusita, aurtengo gaiak lantzea finkatu genuen:

  • Arautegia, eta horren barruan bereziki jolastokiaren erabilerarako protokoloa.
  • Gatazken tratamendua: bitartekaritza
  • Heziketa emozionala
  • Behatokiaren funtzionamendua
  • Hezkidetza Mintegiaren berri ematea
  • Ikasketa kooperatibo Mintegiaren berri ematea
Aurten, iaz bezala, bi talde mantenduko dugu: bata iaz hasi zirenekin eta bestea beste guztiekin. Hurrengo saioa 18an izango da bientzat:
  • MINTEGI I (berrientzat):
    • Diagnostiko Fasea aztertu (zer daukagu eginda, zer falta zaigu) eta
    • Behatokiaren eratzearen prozesua diseinatu
  • MINTEGI II (besteentzat)
    • Jolastokiaren protokola premiazkoa denez  ahal dutenok, batzorde moduan, bilduko gara protokoloa lantzen hasteko.
18an  izan ezik , taldeak data desberdinetan bilduko dira, horrela, proiektua egiten ari direnek ere aukera izango dute beste mintegian parte hartzeko, hor tratatuko ditugun gaiak guztion interesekoak dira eta.
Aurtengorako egutegia 18ko saioan finkatuko dugu.
Hau dena lortzeko, beti bezala, gure arteko esperientzien elkartrukaketa ezinbestekotzat jotzen dugu: egiteko erak, dokumentuak, baliabideak… Batera gehiago eta hobeto ikasten dugu.
Irudiaren kreditua

Martxoaren 29ko saioaren ostekoa

apirila 4, 2011

Aurreko saioan egin genuen tertulia, beti bezala, oso aberatsa izan zen. Joan Vaelloren “Cómo dar clase a los que no quieren” liburuaren “La gestión de la clase” atala komentatu genuen. Aipatutako esaldien artean hauexek azpimarratuko ditugu:

“Cualquier profesor quiere dar clase en condiciones, pero estas no se crean solas”
“Los problemas pueden aparecer en cualquier momento, pero suelen aparecer cuando las oportunidades son favorables. No dejes que se instalen condiciones favorables a los conflictos: crea condiciones favorables al trabajo y a la convivencia”
“Casi todos los conflictos presentes en las aulas son un reflejo de la ausencia de competencias socioemocionales”
“El profesor debe planificar mucho más que los contenidos de su materia: debe saber cómo controlar, motivar, conectar, escuchar, entusiasmar, corregir, decir no, respetar, negociar, advertir, comprometer, sancionar, exigir…”
“Conseguir que quieran, que puedan, que aprendan, que convivan”
“El profesor ha de ser un entrenador de competencias que el alumno no posee y debería poseer, pero antes ha de dominar él dichas competencias. No se puede exigir lo que no se tiene”
“Usar sólo estrategias que eviten y/o resuelvan problemas. Desechar rituales inservibles”
“Resolver el futuro, mejor que zanjar el pasado. ¿Qué debo hacer para que no vuelva a ocurrir?”
“La actuación improvisada y es solitario es la vía más directa para tener problemas”
“No sé qué haré, pero lo haré tranquilo”
“Remar todos a una y en la misma dirección. Anular a los remeros en contra”

Bileraren bigarren zatian “bitartekaritza” gaia tratatu genuen. Hasteko, wikian eskegi ditugun 3 bideo ikusi genituen. Hona hemen lehenengoa:

Wikian ikus ditzakezue beste biak eta eskegitzen ari garen beste baliabide batzuk. Egon adi!

Gogoratu nahi dizuegu datorren bilera (apirilaren 12koa) bertan behera geratzen dela, egun berean eta hurrengoan Elkarbizitza Jardunaldiak direla eta. Ez bazarete apuntatu gure blogeko aurreko post honetan topatuko duzue Jardunaldiei buruzko informazioa eta apuntatzeko helbidea.

Anima zaitezte, mereziko du eta!


Martxoaren 29an, hurrengo saioa (Mintegi II)

martxoa 25, 2011

Datorren asteartean bilduko gara berriro Berritzegunean.

Bileraren lehenengo zatian,  aurreko saioan hasitako solasaldi dialogikoari jarraipena emango diogu. Dakizuenez, Joan Vaeloren “Cómo dar clase a los que no quieren” liburuaren lehenengo bi atalak (7-31 orrialdetara)  irakurri eta komentatu genituen. Oso saio aberatsa izan zen.

Hurrengo bileran “La gestión de la clase”  (33-48 orrietara) atala landuko dugu. Gogoratu prozedura zein den: irakurri, bereziki zure intereseko hitzak edota esaldiak azpimarratu eta komentariren bat idatzi.

E-mail baten bitartez esan genizuen bezala, liburua berriro argitaratu dute, beraz lortzeko ez dago arazorik.

Sosaldia amaitu eta gero, gatazkak tratatzeko bitartekaritza teknikari buruzko aurkezpen bat egingo dugu gaiari hasiera emateko.

Laster arte!


Otsailaren 22ko saioa

otsaila 18, 2011

Datorren asteartean, 22an, mintegiko saioa izango dugu “Solasaldi edo tertuliak literario dialogikoak” gaiarekin. Horretarako, emailen bidez etxerako lanak jaso dituzue. Dena den gai horretan informazio gehiago izateko hemen daukazue artikulu bat: Tertulias literarias dialógicas

Beste aldetik gai horretan oso aditua den Miguel Lozak badauka liburutegi birtuala eta hantxe liburu zerrenda izateaz gain badago liburuei buruzko orientabide batzuk.


Urtarrilaren 25eko Mintegiko saioa (II)

otsaila 2, 2011

Atzo, Gabonen aurretik aurreikusita geneukan jarduera burutu genuen. Dimako Eskolako zuzendariak eta elkarbizitza koordinatzaileak (Ainhoak) bere zentroan egindako lanaren berri eman zigun: ICPa egiteko prozesua. Horretarako Elkarbizitza proiektua, curriculum berria eta erabiltzen dituzten material didaktikoak gurutzatu dituzte koherentziaren bila.

Lan honetan jarraitu duten prozesua hauxe izan da:

  • Elkarbizitza markoa finkatu: Pentazitatearen eremuak eta material didaktikoetan agertzen diren baloreak elkartuz.
  • Urtean zehar, hilabeteka,  balore bat finkatu bereziki bultzatzeko. Bost eremu direnez, urtean zehar eremu bakoitzetik bi balore finkatzen dira.
  • Arlo bakoitzean (momentuz, Ingurunean eta matematikan egin dute) hilabete bakoitzean dagokion balorea lotu garatuko diren proiektuarekin eta horren barruan landuko diren eduki, helburu eta ebaluazio irizpideekin.

Hona hemen Matematika arloan 6. mailarako egindako dokumentua.

Izugarrizko lana izan da. Programazioak osatzeko egin behar izan duten hausnarketa prozesua izan da beraien ustez lorpen interesgarriena. Eskertzekoa da haien esperientzia guztiokin konpartitzea.

 Hurrengo saiorako solasaldi dialogikoa egitea erabaki dugu. Irakurriko dugun liburua Joan Vaelloren “Cómo dar clase a los que no quieren” izango da. Miguel Angelek tertulia zertan datzan azaldu zuen  baina hurrengo post bat egingo dugu honi buruz, metodologia hau irakasleekin zein ikasleekin erabiltzeko oso aproposa izan daiteke eta.

E-mailez jasoko duzue materiala eta zenbat orri irakurri behar diren hurrengo saiorako.

Bitartean, apur bat girotzeko, wikian topa dezakezue Joan Vaelloren bideo bat gai berberari buruz.

Hemen ere utziko dizuegu berari egindako elkarrizketa bat . Liburuan agertzen diren oinarrizko gaiei buruz hitz egiten du: