Dakizuenez, Ikasleen Eskubide eta Betebeharren Dekretua agertu eta gero, Ikuskaritzak AJAren moldaketa prozesua errazteko asmoz AJA eredu bat atera du. Seguraski ikastetxeetan jaso duzuela jadanik baina post honetan nahi dugu bildu gai honen inguruan dauzkagun dokumentu guztiak:
- Ikasleen Eskubide eta Betebeharrak Dekretua
- Ikuskaritzak prestatutako AJA egiteko eredua
- AJA moldatzeko Elkarbizitza Programatik eskeinitako orientabideak euskeraz eta gaztelaniaz
- Elkarbizitza urteko Plana egiteko eta Elkarbizitza Behatokia eratzeko Gida
Badakigu batzuk horretan aritu zaretela aurten; agian lana amaitu duzue. Beste batzuk, berriz, oraindik lanean egongo zarete. Zelan moldatu ahal da AJA? Zelan txertatu dokumentu desberdin hauek?
Alde batetik, Elkarbizitza ikuspuntutik, AJA eredu ofizialean II Titulua da bereziki guri dagokiguna. Atal horretan sartu beharko dugu:
- Elkarbizitza Plana (osatzen ari garena)
- ikasleen eskubideen berehalako babesa zihurtatzeko neurriak (dekretuan oinarrituta)
- Betebeharrak bermatzeko bermea zihurtatzeko neurriak, hau da jokabide desegokiak eta elkarbizitzaren kontrako jokabideak zuzentzeko neurriak (dekretuan oinarrituta)
Lan honetan AJA moldatzeko Elkarbizitza Programatik eskeinitako orientabideak lagungarriak izan daitezke, bereziki estamentu guztien partaidetza eta inplikazioa bultzatzeko (ekintza batzuk proposatzen dira) eta baita ere neurri hezitzaileak zehazteko.
Beste aldetik, I Tituluan, V Kapituluan (Partaidetza. Organo bereziak) ere Elkarbizitza Behatokia edota ikasle eta gurasoen partaidetza zihurtatzeko eratu ditugun egiturak jaso beharko ditugu.
Dena den, ikastetxe bakoitzak bere prozesua jarraitu beharko du lan hau burutzeko. Gu, beti bezala, laguntzeko prest egongo gara.