ELKARBIZITZA VI JARDUNALDIAK: Elkarbizitza eta sexu eta genero aniztasuna

Datorren apirilaren 10 eta 11an, Bilbako San Crisostomo de Arriaga Musika Kontserbatorioan,  Elkarbizitza VI. Jardunaldiak izango ditugu.

Ikusten duzuen bezala, aurtengo gaia hezkidetzarekin lotuta egongo da: Elkarbizitza eta sexu eta genero aniztasuna.

Aurtengo orientbideetan agertzen den moduan, ikastetxe guztietan hezkidetza arduradun bat egon beharko da, eta Elkarbizitza Planean ere genero berdintasuna isladatuta egon behar da. Hau dela eta, gure mintegian gaia tratatzen ari gara, eta zuetariko batzuk ere Bilbon dagoen Mintegian parte hartzen duzue. Oso gaurkotasuneko gaia da, beraz.

Hemen topatuko duzue Egitaraua. Interesatuta egonez gero, sartu esteka honetan izena emateko. Epea martxoaren 22ra arte luzatuko da.

Oharra:  izena ematerakoan ezinbestekoao da ohar atalean zein lan taldetan parte hartu nahi duzuen esatea.

Otsailaren 19ko saioaren ostekoa

Aurreko saioan, Paco Casconen ikastarotik jasotako informazioarekin beheko postean argitarautako “Gatazkan eta gatazkarako hezi” aurkezpena osatu dugu. Saioan bertako edukia helarazi eta komentatu genuen, besteak beste hurrengo puntuak jorratuz:

• Oinarrizko ideia batzuk
  • Gatazkari buruzko sinesmenak
  • Gatazkaren prozesua
  • Gatazkaren aurrean jarrera desberdinak
  • Biolentzia motak
• Gaztakak kudeatzeko tresnak: piramidea
  • Probentzio kontzeptua eta garapena: dinamikak

Saioa girotzeko, hasieran, ikastaroan egindako “ezagutza dinamika” bat praktikan jarri genuen, hain zuzen ere, “Animalien masajea”.

Goiko edukina azaldu eta gero, Probentzio kontzeptua aztertzera jo genuen, konkretuki horren barruan dagoen lehenengo urratsa: Talde kohesioa (aurkezpena, , ezagutza, atxikimendua eta konfidantza). Honetarako Paco Casconek proposatzen duen Harrera Plana aztertzen hasi ginen.

Aktan saioaren garapen zehatzagoa ikusteko aukera izango duzue.

Otsailaren 19an, hurrengo saioa: Gatazkan eta gatazkarako hezi

Saio honetan, Paco Casconekin egindako ikastaro-tailerraren berri emango dizuegu.

Hasteko, hona hemen ikastaroan jasotako idei nagusiei buruzko aurkezpena:

Dokumentu honetan Pacok gaiari buruz eman zituen hainbat erreferentzia topatuko duzue.

Beste aldetik, tailerra izan zenez, dinamika eta ariketa praktiko asko egin genituen, eta berak proposamen interesgarriak egin zituen ikastetxeetan lan egiteko. Hori guztia, saioan ere, zuekin konpartituko ditugu.