Urtarrilaren 8an, hurrengo saioa

Oporretatik bueltatu eta bigarren egunean bagaude berriro mintegian.

 

Dakizuenez, aurreko saioan pendiente geratu ziren lan batzuetan arituko gara:

• Artikulu pare bat (Bi ikastetxeetako esperientzia berriztatzaileak) irakurrita ekarri  tertulia dialogikoaren bitartez komentatzeko.
• Horrez gain, hezkidetza Mintegian banatutako dokumentu batzuk ere komentatuko ditugu.
• Jantokiaren funtzionamenduari buruzko hausnarketa bat egitea:
  • Ikastetxeen artean informazioaren elkartrukaketa
  • Adibide moduan, Gandasegin egindako dokumnetu batzuk aztertzea.

Urriaren 23an, hurrengo saioa: Elkarbizitza Plana eta Behatokia

Urriaren 23ko saioan, Elkarbizitza Urteko Plana eta Behatokiaren planteamendu orokorra aztertuko dugu, bereziki jende berriei begira. Kasu batzuetan bai Plana bai behatokia egin barik daukazue eta orientabideak behar dituzue. Beste kasu batzuetan, eginda izan arren, zuek berriak zarete ikastetxean edota ardura honetan eta, beste gai espezifikoagoetan sartu baino lehen, marko orokorra ezagutu behar duzue. Hau dela eta, hurrengo saioan hauxe landuko dugu:

• Elkarbizitza Urteko Plana: zer da, nortuzk hartzen dute parte, zelan antolatu lana, faseak eta ekoizpena
• Elkarbizitza Behatokia: zer da, funtzioak, partaideak, funtzionamendua

Bitartean, hemen daukazue Eusko Jaurlaritzak argitaratu zuen Gida. Horrez gain,  badakizue gure wikian, Elkarbizitza Urteko Plana: tresnak eta Elkarbizitza Behatokia ataletan honi buruzko informazioa eta hainbat baliabide topa ditzakezue.

ELKARBIZITZAREN INGURUKO BALIABIDEEN BILDUMA

Askotan, zuetariko batzuk elkarbizitzari buruzko bibliografia edota baliabideen bilduma eskatu duzue. Hau dela eta, gaur Berritzegune guztien artean egindako baliabideen bilduma bat eskeintzen dizuegu.

irudiaren kreditua

Mintegian aurkeztu eta komentatuko dugu, esanguratsuenak azpimarratuz. Lagungarria izatea espero dugu.

ELKARBIZITZA IV JARDUNALDIAK: ELKARBIZITZA SAREAN

Pasa den astean, martxoaren 5 eta 6an, Elkarbizitza sarean Jardunaldietan egon ginen.

Gaia oso interesgarria izan zen, pil-pilean dagoen egoera baten azterketa: zelan elkar bizi sarean.

Gaur egun, sarea da gure ikasleentzat testuinguru erreala eta egunerokoa, gure ikasleen 14 urteko %90a  eta 17 urteko %95a giza sareetan daude (Tuenti eta Facebooken) eta   gazte hauen %70a interneten ibiltzen bakarrik ikasten dute, inolako laguntza ezta orientazio barik. Zein da egoera honetan gure ardura?

Hau dela eta, Rosario del Reyk  eta José Antonio Casasek  ConRed proiektua aurkeztu zuten. Proiektua hau Rosario Ortegarekin batera egin dute Daphne Programa baten barruan lehen hezkuntza eta bigarren hezkuntzako ikasleriarekin internet eta giza sareen erabilera segurua lortzeko.

Hemen uzten dizkizuegu jardunaldietan, tailerretan landutako bi dokumentu eta haiek gomendatu zuten liburu bat:

• Netiqueta docente
• Ondorioak
• Ser adolescente: riesgos y oportunidades

Dena den, azken bolada honetan, gai honekin lotuta hainbat dokumentu edota baliabide sortu dira. Dossier honetan ikus ditzakezue batzuk.

Otsailaren 14an, hurrengo saioa: Badakigu entzuten?

Badakigu entzuten? Bideo honetan gazte batek  bere esperientzia azaltzen du:

Gure burua ikusten dugu islatuta gaztearengan edota bere ingurukoengan? Hoan hemen, zure aktiboki entzuteko gaitasuna neurtzeko test bat. Zer moduz? Emaitza 0nik?

Ondo entzutea, hau da, “entzute aktiboa” egitea oso saila da. Biharko saioan, bitartekaritzaren  gaiaren barruan, “entzute aktibo” kontzeptua argituko dugu eta entzute aktiboa egiteko behar diren  tekniketan trebatuko gara.

Horretarako, aurreko saioetan bezala,  “Miguel siempre llega tarde” materiala erabiliko dugu.

irudiaren kreditua

Dena den, hemen uzten dizkizuegu “entzute aktibo”ari buruzko beste dokumentu batzuk:

• Habilidades de comunicación: técnicas para una comunicación eficaz.
• Entzutea: belarria jartzea ez da nahikoa (gurasoei zuzenduta)

Azaroaren 23ko saioaren ostekoa

irudien kredituak

Saioaren hasieran ISE-IVEIk tratu txarrei buruz argitaratu duen txostena, Ikaskideen arteko tratu txarrak Euskadin izenekoa, aurkeztu genuen. Datuek LH eta BHko egoera islatzen dute. Hau dela eta, mintegikideen artean gaiaren inguruan eztabaida sortu zen. Oso dokumentu interesgarria denez, hurrengo post batean aspektu esanguratsuenak komentatuko ditugu.

Horren ostean, aurreikusitako edukiaz aritu ginen. Hain zuzen ere, AJAren berriztapena zelan bideratu, eta bereziki arauak eta  neurri zuzentzaileak zelan finkatu. Horretarako, AJA moldatzeko Elkarbizitza Programatik eskeinitako dokumentua,  euskeraz eta gaztelaniaz, aztertu genuen. Dokumentu honetan, “Ikasleen eskubide eta betebeharrak” dekretua ikasle, irakasle eta familiekin lan egiteko orientabideak ematen dira. Oso egokia izan ahal da lan hau burutzeko.

Bide batez, ikusi genituen Donostiako Berritzegunean portaera desegokiak zuzentzeko asmoarekin egindako tresnak eta adibideak (wikian dauzkazue). Haur eta Lehen Hezkuntzan erabiltzeko pentsatuta daude. Igorreko Eskolako koordinatzaileak  beraiek , tresna hauek erabiliz, garatu zuten prozesua azaldu zuen.

Honekin lotuta, Pentazitatearen Proiektuan, azkenengo urte hauetan,  parte hartu duten ikastetkeek planteamendu honetan proposatzen diren baliabide eta tresna batzuk azaldu zituzten (maitasungrama, sintonia, pentsa-txokoa, elkar-laguntza taldeak…). Hurrengo saioari begira, proiektu honetan Dimako Eskolan tutoretza, elkarbizitza eta arloak programazioetan lotzeko egiten ari diren lana azalduko digute.

 

Azaroaren 9an, hurrengo saioa (Berrientzat)

Bihar, Proiektu honetan berriak direnekin bilduko gara. Plana egiteko ibilbidea aztertuko dugu.

Bilera honetan, alde batetik, lehenego urratsak (proeiktuaren aurkezpena, antolaketa…)  emateko baliabideak eta aukerak  ikusiko ditugu. Agian jadanik egin duzue lan hau; kasu honetan zelan joan den komentatuko dugu.

Beste aldetik, 1. Fasea (Sentsibilizazioa)  burutzeko tresnak eta jarduerak ezagutuko ditugu. Bakoitzak erabaki beharko da zein izan ahal den egokiena bere ikastetxean erabiltzeko.

Baliabide eta tresna guztiak gure Wikian daude bi atal hauetan:

• Lehenengo urratsak
• Sentsibilizazio fasea

Nahi izanez gero begirada bat bota ahal diezue bileraren aurretik.

Bihar arte

Urriaren 5eko bileraren ostekoa

 

Aurreko asteartean mintegiko lehenengo bilera izan genuen. Pasa den ikasturtean elkarbizitza proiektua landu zuten ikastetxeetako koordinatzaileak eta aurten hasi nahi dutenak bildu ginen.

Bakoitzaren egoera aurkeztu zen eta espektatibak eta interesak batu, komunak izan hal diren edukiak  ezagutzeko asmoz. Oso argi ikusi zen Behatokia guztion beharra zela: batzuentzat osatzen hasteko eta besteentzat martxan jartzeko. Hau ikusita, hurrengo saioan, urriaren 26an,  gai hau denok batera aztertzea erabaki genuen.

Beste aldetik, ikasturte osorako egutegia finkatu genuen. Horretaz gain, dokumentu honetan mintegirako helburuak, edukiak eta abar ikus ditzakezue. Hurrengo saioan, kurtso osorako lan-plana zehaztuko dugu.

Bitartean, berriek beraien ikastetxean proiektua egiteko plana aurkeztu behar dute eta aurrera eramateko egitura bat antolatu. Gogoratu ezazue gure wikian hainbat baliabide topatu ahal duzue lan hau bideratzeko.

 Crédito de la imagen

Apirilaren 13an, Mintegi I-eko hurrengo saioa

 

Berriro martxan!

Azkenengo hiruhilabetean sartzen gara. Apurka apurka Plana osatzen joan beharko gara.

Diagnostikoaren tresnak aztertu ondoren, biharko saioan bi aspektu tratatuko dugu:

• diagnostikotik plana heltzeko prozesua eta tresnak (III Fasea)
• Elkarbizitza Behatokia: zer, zertarako, noiz…

 Bihar arte!

Otsailaren 9an hurrengo saioa (Mintegi I)

Aurreko astean egindako aparteko saioan Google Docs aplikazioarekin aritu ginen. Formularioak sortu genituen eta wikian txertatu. Gure proiekturako aplikazio honek daukan erabilgarritasuna nabaria da. Gero bakoitzak ikusi beharko du zertarako, zelan eta nortzuekin erabili nahi/ahal duen. Tresna hor dago.

Biharko saioan gure betiko dinamika berreskuratuko dugu. Alde batetik, ikastetxez ikastetxe zentro bakoitzaren egoera komentatuko dugu: zailtasunak, zalantzak…  Beste aldetik, Diagnostiko Fasearekin jarraituko dugu: zein tresna erabili (Google Docs formularioak, tresna ofizilak, beste tresna batzuk…), zelan antolatu fasea, noiz hasi…

Wikian, Sentsibilizazio Fase eta Diagnostiko Fase orrietan berri batzuk topa ditzakezue.

Bihar arte.